منتديات للكبار والصغار

...المنتديات دى للكبار والصغار ولجميع الاعمار...
 
دخولس .و .جالرئيسيةالبوابة*بحـثالتسجيلالأعضاءالمجموعات

شاطر | 
 

 خطيبتى حبيبتى .. لما تستعبط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سعاد
عضو نشيط
عضو نشيط
avatar

عدد الرسائل : 310
عدد الساعات التى تقديها على النت تقريباً :
0 / 1000 / 100

نقاط العضو : 1000 نقطة
تاريخ التسجيل : 06/11/2007

مُساهمةموضوع: خطيبتى حبيبتى .. لما تستعبط   الإثنين مارس 02, 2009 3:00 pm

خطيبتى حبيبتى .. لما تستعبط


خطيبتى حبيبتى أموره

تشبه زهرة الياسمين

جمال وحلاوه وخفة

دم ورقه وحنين

شعنونه ولما تغير

بتبقى شبه المجانين

حبها مجميلش جوايا

وأنا ليها نور العين

بس ساعات تستعبط

وعبطها يبان للناظرين

فى مره ياساده

كنا الاتنين متواعدين

نخرج نتمشى فى

نص البلد ساعتين

لهوايه عندنا اسمها

الفرجه على الفتارين

والأيد فى الأيد

وكيس اللب المتين

الحاله أخر رومانسيه

وفى الحب منشكحين

لحد ماوقفنا قدام

جواهرجى دهبه سمين

البنت وقفت متبنجه

ولسانها مدلدل مترين

وعينيها برقوا بشده

تقولش بقوا كلوبين

ياحلوه.. يابنت.. ولاترد

كأنها طرشت الودنين

قربت على ودانها

قلت أقرى المعوزتين

لحسن تكون ممسوسه

وأفك المس اللعين

أخيرا مسكتنى من

أيدىبأيد عرقانين

ودخلت المحل..وعرقى

سال على الخدين

سألت البياع بكام

الطقم أبو لونين

وزن وابتسم وقال

من الألافات عشرين

هزت كتافها كأ نها

بنت البرنس حسنين

قالت مش بطا ل

وبصتلى بعين واسعين

سألتنى رأيك ايه

ياحبيبى نقشتهم حلوين

همست فى ودانها

ليلتك أنهارده طين

أبتسمت بسمه عريضه

عرضها حوالى مترين

قلت خلاص بكره

نيجى مع الوالدين

واشتريه ليكى ياربيع

الزهر والريا حين

خرجنا وضغطى أرتفع

وزاد على المتين

ناديت على مشروع

وع البيت رحنا مروحين

هى قاعده بتحلم

وأنا مقهور وحزين

على باب العماره

بلغت فرار المطاردين

وهات جرى ع

السلم وداست بنزين

وأنا وراها طيران

نفاثه فيها محركين

أقفى يا سبب جنونى

أقفى ليلتك طين

أنتى بتستعبطى يا بنت

أقفى يا بنت المجانين

وحياة أبوكى ما سايبك

حوريكى أنا مين

دخلت شقتها بتضحك

وضحكتها أمل محنين

من غلبى ضحكت

ضحكه ليها رنين

وقلت فى سرى

بحبك قوى يا ياسمين

الشاعر: shady30

_________________




عينى رأت مولود على كتف أمـه
يصـرخ تهـنن فيـه يصـرخ تضمه
يصرخ تقول يا بنى ما تنطق كلام
ده اللـى ما يتكلــمش يا كـتر همه
عجبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خطيبتى حبيبتى .. لما تستعبط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات للكبار والصغار :: الآدب والشعر :: أشعار وخواطر-
انتقل الى: